وانا بتصفح الانترنت لاحظت حاجة بقت موجودة بشكل متزايد جدا وهى ان مواقع عادية بدخلها والاقي عناوين اعلانات في الجنب لاتوحي ابدا انها اعلانات تنصيرية مثل: لماذ نصلي؟ او تعرف على الله او اعرف خطة الله لحياتك



وحتى الموقع اسمه لا يوحى ابدا بانه موقع نصراني لان اسمه بما معناه كل الطلاب العرب!! ودة اكبر دليل على النية التنصيرية الخبيثة لهذا الموقع وهو استهداف الطلاب العرب وبما ان المسيحيين بيقولوا على نفسهم مش عرب يبقى الهدف استهداف طلابنا احنا

المهم

بتدخل الموقع تلاقي فيه رسالة ترحيبية نصها:
أهلاً و سهلاً بك في موقع [.....] ... المكان الآمن لمعرفة المواضيع التي تهمك في الحياة الجامعية و الحياة العملية ... نحن سعداء لأنك اخترت هذا الموقع

تيجي تشوف بقى المحتوى تلاقيه موقع تنصيري من الدرجة الاولى ودة بيبان من القائمة الرئيسية بتاعته التي تحتوي مثلا على : المسيح ،الكتاب المقدس، خبرات وتجارب .. اختبارات مفبركة يعني من امثال انا لما كنت احب اتمشي على البحر بلاقي كوز كوزح ...وطبعا في شوية تحابيش من مشكلات الشباب العادية وكيفية التعامل معها لزوم الشغل يعني

وفي النهاية تلاقي صفحة للتواصل مكتوب فى آخرها : اما وقد قبلت المسيح الآن فقد حدثت لك امور كثيرة.. ان ان ان آآآآآآآن...لقد تحولت الى مازنجر... وطبعا بتوعدهم بالجنة اللى اصلا المسيح في كتابهم قال انه لا يملك ان يعطيها لأحد!!

وفي النهاية بتدلهم على موقع تاني للمسيحيين"العرب"


طب احنا ممكن نعمل

1.احنا عملنا مواقع ومدونات كتيرة ضد التنصير وعملنا رابطة للمدونين اللى ضد التنصير وكل دة شغل هايل جدا للتصدي للتنصير وفعلا لما بتكتب بحث عن حاجة ليها علاقة بالتنصير بتلاقي مدوناتنا ومواقعنا في نتائج البحث ... لكن المشكلة في الناس اللى لا بيهم ولا عليهم بيتصفحوا مواقع عادية جدا او بيبحثوا عن مواضيع تانية خالص تخص العرب او تخص الطلاب او حتى قاعدين على الفيسبوك عادي جدا ويلاقوا مواقع تستدرجهم بالشكل دة

2. في مواقع لقيتها كاتبة قائمة بالمواقع التصيرية عشان اللى بيعرض اعلانات في موقعه او مدونته يحظر اعلانات المواقع دي

3. لما تلاقي اعلان تدخله وتكتشف انه تنصيري اضغط عليه يجي خمشتاشر مرة كدة على قد ما تقدرعشان ميزانية اليوم بتاعتهم تخلص والاعلان ما يظهرش بقيت اليوم في اى موقع تاني... ايوة خلاسة يعني انا شخصيا هعمل كدة من انهاردة
وحاول تفتكر الكلمة اللى كتبتها في البحث وقادتك للاعلان دة او محتوى الموقع اللى لاقيت عليه الاعلان عشان النقطة التالية

4.احنا كمان لازم ننافسهم في جوجل

المعروف ان جوجل فيه خاصية استهداف المستخدمين... يعني ايه؟
يعني مثلا ممكن تحدد الفئة العمرية التي تستهدفها ومن اى بلد وممكن تحدد الكلمات التى تستهدفها فلما اى حد يعمل بحث عن الكلمة دي يلاقي اعلانك ...
وممكن كمان تستهدف موقع معين اللى انت لقيت عليه اعلان تنصيري تعمل عليه اعلانك

الملاحظ انهم بيستهدفوا اعمار الشباب والدول العربية بشكل خاص فاحنا لازم ننافس في الحتة دي الشباب العرب

في الحالة دي بيكون في حاجة من اتنين : اما انك بتقوم بدعوة واحد مسيحي للاسلام لو اللى شاف الاعلان دة مسيحي او انك بتحمي واحد مسلم من خطر التنصير عن طريق المنافسة على مكان الاعلان والكلمات المستهدفة و التوعية والتقريب اكتر الى الاسلام والاجابة على كل الاسئلة

يعني نربط اعلانتنا بمواقعنا اللى بتعرف الناس بالاسلام والنبي عليه الصلاة والسلام والمواقع اللى بتتصدي للتنصير وترد على الشبهات والاهم من كدة المواقع اللى بتفضح المنصرين

ازاى ما استغلناش جوجل كاداة اعلانية للدعوة الى الاسلام؟ اعتقد المواقع الاسلامية في الغرب بتعمل اعلانات لاني شفت منها لكن في المنطقة العربية مفيش

تعرف انك ممكن تعمل اعلان باقل من جنيه واحد في اليوم.. تخيل لو ناس كتير عملت كدة هيبقى ميزانية الاعلانات عن الاسلام قد ايه؟
ودي حاجة في متناول اى شخص عادي عايز يشارك في نصرة الدين....30 جند في الشهر بس .. او اقل كمان .. انت اللى بتحدد الميزانية

حتى لو واحد مش عنده موقع او مدونة او ما بيعرفش يتكلم في الدعوة اسهل حاجة انك تعمل اعلان وتربطه باى موقع اسلامي معتمد وممكن ناس كتير تسلم بسببك او تحمي ناس من التنصير باقل من جنيه واحد..

لو على مشكلة طريقة الدفع في جوجل فجوجل بيقبل كروت الفيزا المسبقة الدفع يعني مش محتاج انك تعمل حساب في البنك او اى حاجة ... انت فقط تروح البنك وتعمل الكارت دة بعشرة خمستاشر جنيه بس كدة وتشحنه فلوس من اى مكنة تبع البنك وتدفع بيه في جوجل او على مواقع كتير على النت بتقبله لانه في النهاية كارت فيزا بس من غير ربا